अजय शंकर नायक (Ajay Shankar Nayak)

उम्मेदवारको व्यक्तिगत विवरण

पार्टी	नेपाली कम्युनिष्ट पार्टी
निर्वाचन	प्रतिनिधिसभा
निर्वाचन क्षेत्र	सिरहा → क्षेत्र ४

जम्मा मत

10,814

votes

30.8% of total votes in this constituency

About Candidate

नेपाली कम्युनिस्ट पार्टी (नेकपा) बाट सिरहा निर्वाचन क्षेत्र नम्बर ४ का प्रतिनिधिसभा सदस्य उम्मेदवार अजयशंकर नायक पूर्व कानुन मन्त्रीसमेत हुन्। सिरहाको कर्जन्हा नगरपालिका–४, बडहरामालका स्थायी बासिन्दा नायकको जन्म वि.सं. २०३४ साल भदौ ७ गते भएको हो।

वामपृष्ठभूमि भएको परिवारमा जन्मिएका नायक विद्यार्थी जीवनदेखि नै नेकपा माओवादीको राजनीतिमा सक्रिय रहेका थिए। पार्टीको क्षेत्रीय कमिटी सदस्य बनेपछि उनी वि.सं. २०५५ सालदेखि भूमिगत राजनीतिमा संलग्न भएको बताइन्छ। माओवादी पार्टीको जिल्ला सचिव हुँदै पोलिटब्यूरो सदस्यसम्म पुगेका नायक हाल नेकपाको केन्द्रीय सदस्यको जिम्मेवारीमा छन्।

वि.सं. २०७० सालमा समानुपातिक प्रणालीमार्फत संविधानसभा सदस्य निर्वाचित भएका नायक सोही समयमा कानुन मन्त्रीसमेत बनेका थिए।

स्नातक तहसम्म अध्ययन गरेका नायक शालीन, सरल र भलादमी नेताका रूपमा चिनिन्छन्। पार्टीभित्र अनुशासित र जिम्मेवार नेताको छवि बनाएका उनी नीति, विधि र सुशासनलाई प्राथमिकता दिने नेतामध्ये पर्दछन्।