अजय कुमार गुप्‍ता (Ajay Kumar Gupta)

नेकपा एमालेले आफ्ना पुराना नेता माधवकुमार नेपाल उठेको निर्वाचन क्षेत्र रौतहट-१ मा युवा नेता अजयकुमार गुप्तालाई मैदान उतारेको छ । ६ साउन २०३१ सालमा गौर नगरपालिका दोस्तियामा जन्मिएका गुप्ता र नेपालबीचको यो दोस्रो प्रतिस्पर्धा हो ।

अघिल्लो प्रतिनिधिसभा निर्वाचन २०७९ मा समेत यी दुई नेताबीच प्रतिस्पर्धा भएको थियो । यस पटक एमालले गुप्ताको नाम एकल रूपमा सिफारिस गरिएको थियो ।

स्थानीय रूपमा सक्रिय उनी अनुभवी, संगठन निर्माण सक्रिय र जनसम्पर्क स्थापित गर्न सफल मानिन्छन् । सोही कारण उनले यस पटक नेकपाका सहसंयोजक र काङ्ग्रेसका अनिलकुमार झासहितका प्रतिस्पर्धीलाई कडा टक्कर दिन सक्छन् ।

गुप्ता नेकपा एमालेको ११औं महाधिवेशनबाट मधेशी खुला (पुरुष)तर्फ केन्द्रीय सदस्य निर्वाचित भएका थिए ।

गुप्ता पटकपटक पार्टी परिवर्तन गर्दै स्थानीय राजनीतिमा सक्रिय देखिन्छन् । २०७४ सालमा गौर नगरपालिकाको मेयर जित्दा उनी लोकतान्त्रिक समाजवादी पार्टीमा सामेल थिए ।