किरण यादव (Kiran Yadav)

उम्मेदवारको व्यक्तिगत विवरण

पार्टी	नेपाली काँग्रेस
निर्वाचन	प्रतिनिधिसभा
निर्वाचन क्षेत्र	महोत्तरी → क्षेत्र २

जम्मा मत

0

votes

About Candidate

नेपाली कांग्रेसले संविधानसभा र व्यवस्थापिका संसद्‌को अनुभव भएकी नेतृ किरण यादवलाई महोत्तरी-२ बाट प्रतिनिधिसभा सदस्यको उम्मेदवार बनाएको छ ।

५ जेठ २०२४ सालमा महोत्तरीमा जन्मिएकी यादव महोत्तरीको बलवा नगरपालिका, पुर्वारीकी स्थायी बासिन्दा हुन् । नेपाली कांग्रेसको राजनीतिमा सक्रिय यादवले काठमाडौं पद्मकन्या क्याम्पसबाट स्नातक (बीए) तहसम्मको अध्ययन पूरा गरेकी छिन् ।

नेपालका प्रथम राष्ट्रपति डा. रामवरण यादवकी भतिजी हुनुका नाताले उनलाई राजनीतिमा पारिवारिक विरासतको साथ रहे पनि उनी आफ्नै संघर्ष र सक्रियताका कारण कांग्रेसको केन्द्रीय तहसम्म पुग्न सफल नेतृ हुन् । उनी हाल नेपाली कांग्रेसको केन्द्रीय सदस्यको जिम्मेवारीमा छिन् ।

यादवको संसदीय यात्रा २०६४ सालको पहिलो संविधानसभाबाट सुरु भएको हो । त्यसपछि २०७० सालको दोस्रो संविधानसभा निर्वाचनमा उनी महोत्तरी-२ बाट निर्वाचित भइन् । २०७० देखि २०७४ को कार्यकालमा उनले सांसदका रूपमा नयाँ संविधान जारी गर्न र आफ्नो क्षेत्रको विकास निर्माणमा अहं भूमिका निभाएकी थिइन् ।