बालेन्द्र शाह (बालेन) (Balendra Shah (Balen))

उम्मेदवारको व्यक्तिगत विवरण

पार्टी	राष्ट्रिय स्वतन्त्र पार्टी
निर्वाचन	प्रतिनिधिसभा
निर्वाचन क्षेत्र	झापा → क्षेत्र ५

जम्मा मत

10,190

votes

12.5% of total votes in this constituency

About Candidate

काठमाडौँ महानगरपालिकाको मेयरबाट राजीनामा दिएर प्रतिनिधि सभा सदस्यका लागि झापा-५ बाट उम्मेदवारी दिएका बालेन्द्र शाह (बालेन)लाई रास्वपाले भावी प्रधानमन्त्रीका रूपमा अघि सारेको छ । ३६ वर्षीय बालेन पेशाले इन्जिनियर हुन् । र्‍याप पृष्ठभूमिका उनी नयाँ पुस्ताबिच लोकप्रिय मानिन्छन् ।

काठमाडौँको गौरीगाउँमा जन्मिएका शाह आयुर्वेदिक चिकित्सक डा. राम नारायण शाह र ध्रुवदेवी शाहका छोरा हुन् । ह्वाइट हाउस इन्स्टिच्युट अफ टेक्नोलोजीबाट सिभिल इन्जिनियरिङमा स्नातक र भारतको कर्नाटक विश्वेश्वरैया राष्ट्रिय प्रौद्योगिक संस्थानबाट स्ट्रक्चरल इन्जिनियरिङमा स्नातकोत्तर शाह झापामा एमाले अध्यक्ष केपी शर्मा ओलीसँग मुख्य प्रतिस्पर्धा गर्दैछन् ।

२०७२ सालको महाभूकम्पपछि उनले उद्धार र राहतको काममा सक्रिय भएर समाजसेवीको छवि पनि बनाए ।

नयाँ पुस्ताले रुचाएका पेशाकर्मी, र्‍यापर तथा कवि-लेखक शाहको राजनीतिक अवतारको चर्चा भने भूगोलभन्दा भर्चुअल माध्यम अर्थात् सामाजिक सञ्जालमा बढी छ ।

स्थानीयत चुनावताका विशेषतः फिल्म, संगीत र फेसन क्षेत्रका सेलिब्रिटीहरु शाहको पक्षमा देखिएका थिए । अभिनेत्रीहरु प्रियंका कार्की, स्वस्तिमा खड्का, निर्माताहरु माधव वाग्ले, सन्तोष सेन, हास्य कलाकार निर्मल शर्मा खुलेरै उनको पक्षमा लागे । निर्देशक निश्चल बस्नेत र गायिका इन्दिरा जोशी शाहको घोषणापत्र प्रस्तुत गर्ने कार्यक्रममै उपस्थित थिए ।