नेपाल जनमुक्ति पार्टी

२०४७ वैशाख २३ गते काठमाडौंमा नेपाल राष्ट्रिय जनमुक्ति मोर्चाको नामबाट यो पार्टीको जन्म भएको थियो । यही नामबाट पार्टीले २०४८ सालको संसदीय निर्वाचनमा 'मान्छे' चुनाव चिन्ह लिएर भाग लिएको थियो । त्यसपश्चात २०४८ माघ ६ गते राष्ट्रिय जन पार्टीसँग एकीकरण भएपछि राष्ट्रिय जनमुक्ति पार्टीको रुपमा नामकरण भएको थियो । २०५१ सालको मध्यावधि निर्वाचन, २०५६ को संसदीय निर्वाचन र २०६४ को संविधानसभा निर्वाचनमा 'घर' चुनाव चिन्ह लिएर भाग लिइसकेको छ । निर्वाचन प्रयोजनका लागि २०७३ सालमा यो दल पुन: दर्ता भएको थियो । यसको अध्यक्ष खड्गप्रसाद पालुङवा छन् ।