बिना गुरुङ्ग (Bina Gurung)

कास्की क्षेत्र नम्बर ३ बाट राष्ट्रिय स्वतन्त्र पार्टी (रास्वपा)की उम्मेदवार बिना गुरुङ सफल व्यवसायी, समाजसेवी र लगानीकर्ता हुन्। गण्डकी प्रदेशमा रास्वपाकी एक मात्र महिला उम्मेदवारसमेत रहेकी उनी पार्टीको प्रदेश कोषाध्यक्षका रूपमा कार्यरत छिन्। सञ्जीवनी दिदीबहिनी संघ नेपालको संस्थापक अध्यक्ष, तमु धिँ नेपालको केन्द्रीय सदस्य, लायन्स क्लब अफ पोखरा सिर्जना चौतारीकी पूर्व अध्यक्षलगायत विभिन्न सामाजिक संस्थामा नेतृत्वदायी भूमिका निर्वाह गरेकी गुरुङ पञ्चासे केबलकारको सञ्चालक समिति सदस्य र गोल्डेन साकोसकी उपाध्यक्षका रूपमा व्यवसायिक क्षेत्रमा पनि सक्रिय छिन्। महिला सशक्तीकरण, आर्थिक आत्मनिर्भरता र नेतृत्वमा महिलाको पहुँच विस्तारलाई आफ्नो मुख्य एजेन्डा बनाएर उनी प्रतिनिधिसभा निर्वाचनमा होमिएकी छन्।