दीपक बहादुर धामी (Deepak Bahadur Dhami)

आगामी २१ फागुनमा हुने प्रतिनिधिसभा सदस्य निर्वाचनका लागि डोटीमा नेकपा एमालेबाट दीपक धामी प्रतिस्पर्धामा छन् । ३२ वर्षीय धामी नेपाली कांग्रेस, नेपाली कम्युनिष्ट पार्टी (नेकपा) र राष्ट्रिय स्वतन्त्र पार्टीका पाका उम्मेदवारसँग प्रतिस्पर्धा गर्न मैदानमा आएका छन् ।

२०५० सालमा शिखर नगरपालिका–१० (साविक बन्लेक गाउँ विकास समिति) मा जन्मिएका धामी १३ वर्षको उमेरमै विद्यार्थी राजनीतिसँग जोडिएका थिए । शिखर नगरपालिका–९, उच्चाकोटमा रहेको सिताराम माध्यमिक विद्यालयमा कक्षा ८ मा पढ्दै गर्दा उनी एमालेनिकट अनेरास्ववियुको विद्यालय कमिटी सदस्य भएका थिए ।