बर्षमान पुन (barsaman pun)

पूर्वअर्थमन्त्री तथा नेकपाका नेता वर्षमान पुन रोल्पा–१ बाट उम्मेदवार छन् । माओवादी शान्ति प्रक्रियामा आउँदा उनी जनमुक्ति सेनाका डेपुटी कमान्डर थिए । २०२८ सालमा रोल्पा जिल्लाको साबिक जङ्गकोट–१ हाल रोल्पा नगरपालिका–१ मा जन्मिएका थिए ।

विद्यार्थी जीवनदेखि नै माओवादी आन्दोलनमा लागेका पुन २०६४ सालमा ललितपुर–३ बाट विजयी भएका थिए । २०७० सालमा मोरङ–९ बाट पराजित भए । २०७४ र २०७९ सालमा उनी रोल्पा–१ बाट विजयी भएका थिए । २०६७सालमा शान्ति तथा पुनर्निर्माण, २०६८ सालमा अर्थमन्त्री, २०७४ सालमा उर्जामन्त्री र २०७९ सालमा अर्थमन्त्री भए । साबिक माओवादी केन्द्रका उपमहासचिव रहेका उनले स्नातकसम्म अध्ययन गरेका छन् ।