घनश्याम खतीवडा (Ghanshyam Khatiwada)

उम्मेदवारको व्यक्तिगत विवरण

पार्टी	नेकपा एमाले
निर्वाचन	प्रतिनिधिसभा
निर्वाचन क्षेत्र	मोरङ → क्षेत्र १

जम्मा मत

8,104

votes

16.2% of total votes in this constituency

About Candidate

सामान्यतया राजनीतिमा लागेपछि मानिसले अथाह सम्पत्ति जोड्छन् भन्ने भाष्य समाजमा स्थापित छ । तर, एमाले नेता घनश्याम खतिवडाको कथा भने बेग्लै छ । कसैले 'राजनीतिबाट के कमाइस् ?' भनेर सोध्यो भने ६४ वर्षीय खतिवडा मुस्कुराउँदै भन्छ्न्, कमाइ त छैन, तर बुबाले दिएको १७ कट्ठा पुर्ख्यौली जग्गा र घर चाहिँ चुनाव लड्दा लड्दै सिध्याएँ ।'

चुनावमा घरजग्गा बेचेका खतिवडा फेरि चुनावी मैदानमा छन् । तर,चौथो पटक चुनावी मैदानमा उत्रिएका उनका लागि यो पटक सजिलो छैन । नयाँ दुई पार्टीसँगै ठूला दुई दलका उम्मेदवारले टक्कर दिइरहेका छन् ।

घनश्याम खतिवडा अहिले नेकपा एमाले कोशी प्रदेश अध्यक्षको जिम्मेवारीमा छन् । २०७० र २०७४ को चुनाव उनी जग्गा बेचेर लडे । २०७० सालको दोस्रो संविधानसभा निर्वाचनमा ७ कट्ठा बेचेका उनले २०७४ सालको निर्वाचनमा १० कट्ठा जग्गा बेचेका थिए ।

'त्यो बेला म ग्राउन्ड लेभलको लिडर मात्रै थिए । चन्दा उठाइन्, चुनाव लडियो,' उनले भने,' २०७९ मा लड्दा फरक भयो । सांसद भइसकेका कारण साथीभाइले सहयोग गरे, सांसदको रूपमा प्राप्त गरेको सुविधा पनि थियो, बेच्ने जग्गा पनि थिएन ।