तिलक बहादुर रानाभाट (Tilak Bahadur Ranabhat)

नेपाली कांग्रेसका तर्फबाट कास्की क्षेत्र नम्बर १ का उम्मेदवार तिलक रानाभाट आर्थिक सुधार, शिक्षित तथा स्वस्थ नागरिक निर्माणको एजेन्डासहित चुनावी मैदानमा उत्रिएका नेता हुन्। कास्कीको मादी गाउँपालिका–३ मा जन्मिएका उनले कानूनमा स्नातक (बीएल) गरेका छन्। अध्ययनपछि सर्वोच्च अदालतमा अधिकृतका रूपमा तीन वर्ष सरकारी सेवा गरेका उनी पछि जागिर छाडेर व्यवसाय र राजनीतिमा सक्रिय भए। वैदेशिक रोजगार व्यवसाय र उद्योगमार्फत रोजगारी सिर्जनामा समेत उनको संलग्नता रहेको छ। हालै सम्पन्न विशेष महाधिवेशनबाट नेपाली कांग्रेसको केन्द्रीय सदस्यमा निर्वाचित उनी तीन पटक महाधिवेशन प्रतिनिधि भइसकेका छन्।