हेम लाल शर्मा (Hem Lal Sharma)

माओवादी युद्धका ‘ज्युँदा सहिद’को रूपमा चर्चित अखिल क्रान्तिकारीका पूर्वअध्यक्ष हिमाल (हेमलाल) शर्माले काठमाडौँ–६ बाट उम्मेदवारी दिएका छन् । उनी २०६७ मंसिरमा भएको १८औँ सम्मेलनबाट अखिल क्रान्तिकारीको अध्यक्षमा निर्वाचित भएका थिए ।

५६ वर्षका शर्मा किशोर अवस्थादेखि नै वामपन्थी आन्दोलनमा सक्रिय थिए । २०६५ सालमा शर्मा त्रिभुवन विश्वविद्यालयको स्ववियु सभापतिमा निर्वाचित भएका थिए । उनी २०४३ सालमा पहिलो पटक जेल परेका थिए । २०४८ देखि २०६३ सालमा पटक–पटक गरी उनले करिब १० वर्ष जेल जीवन बिताएका थिए ।

माओवादी युद्धकालमा उनलाई भैरवनाथगण शिवपुरी  ब्यारेकमा आँखामा पट्टी बाँधेर र हातखुट्टा बाँधिएको अवस्थामा २७ महिनासम्म जेलमा राखिएको थियो । साबिक माओवादी निकट अखिल क्रान्तिकारीका फ्याक्सन इन्चार्ज रहेका शर्माले २०७० सालमा काठमाडौँ–६ का उम्मेदवार थिए ।