ओम बहादुर घर्ती (Om Bahadur Gharti)

नवलपुर क्षेत्र नम्बर २ का नेपाली कांग्रेसका उम्मेदवार ओमबहादुर घर्ती नेपाल लोकतन्त्रवादी आदिवासी जनजाती महासंघका केन्द्रीय सभापति हुन । हुप्सेकोट गाउँपालिका-१, बेलुवामा २०३२ सालमा जन्मिएका घर्ती विद्यार्थी उमेरबाट नै राजनीतिमा सक्रिय छन् ।

स्नातक उत्तीर्ण गरेका घर्तीको २०४६ सालमा सरस्वती माध्यमिक विद्यालयमा नेपाल विद्यार्थी संघ इकाइ अध्यक्षबाट राजनीतिको यात्रा सुरु भएको हो । २०५३ सालमा जिल्लाको पहिलो क्याम्पस कुमारवर्ती बहुमुखी क्याम्पसको इकाइ सभापति भए । २०५५ सालमा नेविसंघ जिल्ला सदस्य भएका थिए । २०६४ सालमा नेपाल राष्ट्रिय मगर संघको महासचिव बनेर केन्द्रीय राजनीति सुरु गरे ।