टासी ल्हान्जोम (Tasi Lhanjom)

२६ वर्षीया टासी ल्हाञ्जोम आफ्नै कर्मले सार्वजनिक छवि र पहिचान बनाउन सफल छिन् । यसपटक उनी हुम्लाबाट प्रतिनिधिसभा सदस्यको उम्मेदवार छिन् । राष्ट्रिय स्वतन्त्र पार्टी (रास्वपा)ले उनलाई हुम्लाबाट उम्मेदवार बनाएको छ ।

नेपालको नीतिलाई जनमुखी, समावेशी र प्रभावकारी बनाउने भन्दै उनी राजनैतिक यात्रा सुरु गरेको बताउँछिन् । राष्ट्रको नीतिले हिमाली भेगका समुदायको दैनिकीलाई कस्तो असर पार्छ भन्नेबारे आफू जानकार रहेकाले सदनमा बहस पैरवी गर्ने उनको भनाइ छ ।