भिम बहादुर श्रीस राना (Bhim Bahadur Shris Rana)

एक समय स्वतन्त्र विद्यार्थी युनियन (स्ववियु) को निर्वाचनले संसदीय चुनावकै झल्को दिन्थ्यो । स्ववियु निर्वाचनलाई दलहरूले प्रतिष्ठाको लडाईं बनाउँथे । त्रिभुवन विश्वविद्यालय कीर्तिपुरमा स्ववियु निर्वाचित भएको आधार देखाएर दलहरूले संसदीय निर्वाचनमा मत माग्थे ।

त्यही परिवेशमा भीम श्रीसले नेपाली कांग्रेसको विद्यार्थी संगठन नेपाल विद्यार्थी संघ (नेविसंघ) बाट २०६२ सालमा त्रिवि कीर्तिपुरको स्ववियु अध्यक्ष जिते ।

स्ववियुको नवनिर्वाचित समितिमा अरू सबै पदमा नेविसंघ पराजित हुँदा श्रीस एक्ला अध्यक्ष चुनिएका थिए । त्रिवि कीर्तिपुरमा श्रीस नेविसंघका एक एक्ला यस्ता पात्र हुन्, अरू पराजित हुँदा पनि उनले जित्दै आएका थिए ।
२०५८ सालमा नेविसंघ त्रिवि समितिको सचिव बनेका उनले स्वतन्त्र विद्यार्थी युनियन (स्ववियु) को निर्वाचनमा प्रतिस्पर्धा गर्दा हरेक पटक जिते । २०५५ र २०५७ सालमा स्ववियु सदस्य बने ।